Линдзи Вон оперирана по четврти пат

Вон, која сезонава се врати на патеките по речиси шестгодишна пауза од натпреварувањата, учествуваше во олимпискиот спуст и тоа со скинат вкрстен лигамент на левото колено. На олимписката трка во Кортина Дампецо исто така падна и доживеа нова тешка повреда поради која за една недела имаше дури четири операции.

„Операцијата помина добро. За среќа, конечно ќе можам да се вратам дома во САД. Прочитав многу пораки и коментари во кои луѓе велат дека она што ми се случи ги растажува. Ве молам, немојте да бидете тажни. Ги прифаќам сочувствата, љубовта и поддршката со отворено срце, но ве молам немојте да бидете тажни или жални. Се надевам дека ова ви дава сила да продолжите да се борите, бидејќи тоа е она што го правам и тоа е она што секогаш ќе го правам“, напиша Вон на Инстаграм.

Вон освои осум подиуми на Светскиот куп оваа сезона, вклучувајќи две победи во спуст и е на чело во пласманот во спуст на Светскиот куп за жени. Се обиде да го освои својот втор златен медал во спуст, по победата во Вислер во 2010 година.