Атанасовска не успеа да ја заврши првата велеслаломска трка на Олимписките игри

15 февруари 2026 - 11:48

Македонската натпреварувачка Јана Атанасовска не успеа да стигне на целта на првата трка во велеслалом на Олимписките игри во Кортина Дампецо.

Патеката беше исклучително незгодна за што зборува и фактот што дури 14 скијачки не ја завршија трката. Атанасовска, за жал, излета околу средишниот дел откако промаши една капија.

Тинејџерката, сепак, ќе има уште една шанса на Олимписките игри и тоа во слалом на 18 февруари.