Скандал: Француски репрезентативец обвинет за трговија со луѓе!
Според наводите во пријавата, семејството тврди дека било присилувано да работи за двојката во периодот од септември 2024 до ноември 2025 година, без законска работна рамка и без потпишани договори за вработување.
Во пријавата се наведува дека секој член на семејството работел меѓу 72 и 84 часа неделно, со исклучително долги работни денови и без регулирани работнички права. Како што се тврди, тие биле изложени на континуиран притисок и немале основни услови кои ги гарантира законот.
Колумбиското семејство, според информаците во медиумите, случајот го пријавило до Јавното обвинителство во Версај, кое треба да ја утврди основаноста на обвинувањата и евентуалната кривична одговорност.
🚨🚨| BREAKING: Lucas Hernandez and his wife have been accused of human trafficking and hidden labour.
— CentreGoals. (@centregoals) January 21, 2026
A Colombian family has accused that the couple made them work from September 2024 to November 2025 without a legal framework and with extremely long working hours.
Each… pic.twitter.com/jPFfm5blGF
Досега ниту Ернандез ниту неговата сопруга јавно не се огласија по повод овие наводи, додека во наредниот период се очекува официјална реакција од надлежните институции.
Во тековната сезона Ернандез забележа 17 настапи за Пари Сен Жермен во сите натпреварувања, додека дресот на француската репрезентација досега го носеше на 40 натпревари.
Фото: EPA