Несторовски му даде гол на Арсими, убедлива победа на Славен Белупо

10 јануари 2026 - 15:44

Македонскиот прволигаш, Арсими денеска играше пријателски натпревар против Славен Белупо, хрватскиот тим победи со високи 5-1, а еден од погодоците беше дело на Илија Несторовски.

Серијата погодоци за Славен Белупо ја отвори токму Несторовски кој погоди во 37. минута од натпреварот. 1-0 беше резултатот од првото полувреме.

Арсими успеа да изедначи во 71. минута, но до крајот на натпреварот прими дури четири гола и на крајот убедливо е поразен. Славен погодоците ги постигна во 78., 80., 81. и 89. минута.

Ова беше втор меч за Арсими на Арена купот, македонскиот тим слично мина и во првото коло кога загуби со 4-0 од Вуковар.