Вардар ќе го продаде Мато, но само ако некој понуди 1,5 милиони евра!

09 јануари 2026 - 10:55

Најтрофејниот македонски фудбалски клуб Вардар во изминатите денови одби понуда од 350.000 евра од шкотски Хартс за услугите на својот најдобар фудбалер Роџерс Мато, но интересот за неговите услуги е голем, па затоа скопскиот гигант утврди откупна клаузула.

„Црвено-црните“ се подготвени да го продадат Мато, но само ако некој понуди 1,5 милиони евра за потписот на фантастичниот фудбалер.

„ФК Вардар АД ја информира јавноста дека, поради зголемениот интерес од повеќе странски клубови за нашиот фудбалер Рогерс Кассим Мато, Управата на клубот донесе одлука да утврди откупна клаузула во износ од 1.500.000 евра“, објави Вардар.

Мато оваа сезона настапи на 17 меча за Вардар во сите натпреварувања, а притоа постигна 15 голови и две асистенции.