Поранешниот клуб на Баџо и Пирло пред банкрот - има 120 дена да се спаси
Повикот доаѓа во време кога поранешниот претседател на клубот Масимо Челино, бара заштитни мерки од судот за да започне план за економско закрепнување и да избегне колапс. „Ил Џорно“ објавува дека расправата за заштитните мерки, која започна пред надлежен судија, би гарантирала 120-дневно „замрзнување“ на постапките на доверителите. Сепак, според експерт назначен од Трговската комора, планот во моментов не е „разумно изводлив“ без таква заштита.
Ситуацијата на Челино, кој изјави дека е подготвен да ги врати сите неплатени долгови во рок од пет години, е далеку од добра. Вкупниот долг на клубот, вклучувајќи ги добавувачите, регистрираните играчи, институциите за социјално осигурување, банките, локалните власти и даночните власти, изнесуваше 19 милиони евра на крајот на јули. Сепак, предлогот наидува на отпор, со оглед на тоа што даночните власти, соочени со долг од речиси 9 милиони евра, ја сметаа понудата за плаќање од 10% за „незначителна“. Челино еднаш го спаси клубот од банкрот и од целосно згаснување, дали и сега ќе му успее, ќе се знае наскоро.
Единствениот спас би биле преговорите со „Унион Бреша“, кои се одвиваат на тешко правно и спортско ниво. Ова е клуб основан на 17 јули 2025 година, благодарение на промената на седиштето и името на компанијата Фералписало. Првиот човек на клубот Пасини потврди дека е подготвен да го преземе брендот, името, историскиот регистрациски број и други средства, вклучувајќи го и прашањето поврзано со надоместокот за трансфер на Сандро Тонали (800.000 евра). Времето истекува, се очекува одговор до крајот на јануари, а секој договор мора да биде финализиран. Во меѓувреме, судот ќе одлучи за барањето за банкрот.
Бреша не може да се пофали со трофеј во својата 114-годишна историја, но помина 23 сезони во Серија А и во своите редови имаше некои од најголемите светски фудбалски ѕвезди. Најпознати меѓу нив беа Андреа Пирло и Роберто Баџо, првиот таму ја почна, а вториот ја заврши својата кариера, но играа и Лука Тони, Сандро Тонали, Марио Балотели, Георге Хаџи, Пеп Гвардиола итн.