Хаос во Турција: Се степаа кошаркарки, една нокаутирана (ВИДЕО)

Натпреварот помеѓу женските кошаркарски екипи на Мерсин и Бодрум имаше и свое „трето полувреме“.

Откако гостинките постигнаа кош во последните секунди и остварија драматична победа со резултат од 73-72, на и околу теренот избувна општа тепачка, во која Ајдин Топча го извлече најдебелиот крај.

Кошаркарката на Бодрум беше повредена за време на тепачка во која учествуваа неколку играчи од двата тима, и по натпреварот беше примена во болница, каде што раната ѝ беше зашиена, објавија турските медиуми.