Мареска го отпиша Челси од трката за титулата во Премиер лигата

25 декември 2025 - 20:35

Челси беше еден од кандидатите за титулата во Премиер лигата пред почетокот на сезоната, меѓутоа серијата лоши резултати ги разочара навивачите, а дополнителен шок следеше од тренерот Енцо Мареска.

Мареска на прес-конференција кажа дека неговата екипа нема да биде во трка за титулата во англискиот шампионат, а притоа зборуваше и за претходната изјава во која кажа дека ги поминал „најлошите 48 часа“ во Челси.

„Немаме константност. Тоа е причина зошто не сме блиску до врвот, мора да бидеме добри против различни екипи. Тоа е една од нашите цели за во иднина. Ако сакате да бидете таму на крајот на сезоната, мора да бидете константни. Затоа сметам дека декември, јануари и февруари се важни месеци“, кажа Мареска.