Ужасна вест за Јувентус: Влаховиќ го скинал мускулот – за него годината е завршена!

30 ноември 2025 - 10:23

Лоши вести пристигнуваат од Торино – напаѓачот Душан Влаховиќ во 30. минута од натпреварот против Каљари мораше да го напушти теренот поради повреда на левиот адуктор поради што за него, според лекарските прогнози, годината е веќе завршена.

Србинот побара замена веднаш по упатениот удар кон голманот Каприеле, а од теренот поткривнувајќи и покажувајќи дека има силна болка, што подоцна го потврди и тренерот Лучано Спалети.

„Влаховиќ чувствува болка и има истегнување, а речиси сигурно и кинење на мускулот. Уште на мечот против Бодо/Глимт одлучив да не го користам за да не го преоптоварам. Сепак, денеска се повреди. Според мене, тоа се случи поради ударот кој не беше чист – да ја зафатеше топката како што треба, немаше да дојде до проблем. За жал, ќе го изгубиме на подолг период“, изјави Спалети.

Точната должина на паузата ќе биде позната по дополнителните прегледи, ама нема да биде помала од еден месец. Во меѓувреме, Спалети ќе мора да го води тимот без првиот напаѓач во клучен дел од сезоната, кога Јувентус ги очекуваат дуели против Наполи, Болоња и Рома.

ФОТО: EPA PHOTO