Меси во уште еден сегмент стана најдобар во историјата на фудбалот

30 ноември 2025 - 11:35

Освен што е најтрофеен и има рекорден број Златни топки и Златни копачки, Лионел Меси се искачи на врвот во уште една статистичка категорија, воопшто во историјата на фудбалот. 

Интер Мајами ноќеска го победи Њујорк Сити со 5-1 со што стана шампион на Источната конференција и се пласира се во финалето на плејофот на МЛС. Таму ќе се соочи со Ванкувер, предводен од германската легенда Томас Милер, кој го победи Сан Диего со 3-1.

Меси овојпат не беше централна фигура на натпреварот, пред се поради головите, но сепак имаше една асистенција со која ја смени историјата. Славниот аргентински фудбалер на тој начин стигна до 405. асистенција во својата кариера и сега има една повеќе од легендата на Реал Мадрид, Ференц Пушкаш кој досега беше рекордер во оваа категорија.

Меси одигра 1136 натпревари во својата кариера, постигна 896 гола и подели 405 асистенции.