Неверојатно: Јокиќ доби силен удар во глава, судиите не ја ни прекинаа играта (ВИДЕО)

30 ноември 2025 - 09:50

Најдобриот кошаркар на денешницата, Никола Јокиќ, зад себе има уште една брилијантна партија во дресот на Денвер нагетс, откако речиси сам донесе убедлива победа против Феникс санс (130-112), во која заврши со 26 поени, 10 асистенции и девет скокови.

И покрај неговата доминантна игра, средбата ја одбележа спорен момент од третата четвртина, кога Дејвин Букер со лакт го погоди Србинот во пределот на брадата. Инцидентот се случи пред очите на судијата, но немаше никаква реакција, што предизвика бројни реакции на социјалните мрежи и меѓу кошаркарската јавност. Јокиќ по ударот падна на паркетот, а нападот продолжи и Феникс постигна поени, кои сепак не влијаеја на конечниот исход на дуелот.

Овој потег повторно ја отвори темата за тоа со какви методи противниците се обидуваат да го запрат доминантниот српски центар, кој под кош е меѓу најтешките играчи за сопирање во НБА.