Вардар подготвува две бомби - доаѓаат засилувања од Бенфика и Динамо!?

25 ноември 2025 - 17:04

Поранешниот македонски и европски шампион Вардар веќе почна да го составува тимот за следната сезона, па така по информациите за наводниот договор со Бразилецот Жоао да Силва, пристигнуваат шпекулации за уште две бомби.

Едно од новите засилувања на „црвено-црните“ треба да биде 30-годишниот Никита Ваилупау од редовите на Бенфика. Белорусинот претходно играше и за Веспрем, Мешков Брест, СКА Минск и Динамо Минск, а исто така член е на репрезентацијата.

Јоав Лумбросо треба да биде второто засилување за Вардар од редовите на Динамо Букурешт. Израелскиот ракометар претходно играше за Бенфика, Лимож и други екипи.

Вардар очигледно за следната сезона планира да создаде моќен тим кој ќе може да се бори за пехари и на европската сцена.

Фото: EPA