МЗТ Скопје се коцкаше, ама пак лесно дојде до бодовите во Кавадарци!

23 ноември 2025 - 17:27

Екипата на МЗТ Скопје дојдоа до уште една победа во македонската Супер лига, откако попладнево, со далеку подобра игра од противникот, како гости го совладаа тимот на Тиквеш (85-82).

Аеродромци беа доминантни од самиот почеток, во третиот период дојдоа и до плус 19 (59-40), по што дојде до преголемо опуштање во сино-белиот табор. Кавадарчани тоа максимално го искористија и со серија 18-3 (58-62) ја вратија неизвесноста во натпреварот. „Металците“ веќе на почетокот на последниот период повторно обезбедија двоцифрена предност, но тоа не го спречи домашниот тим да дојде дури и до шанса за целосен пресврт. Кошаркарите на Тиквеш си серија 9-0 во последните минути намали на само три поени (82-85), а дури беа во напад да изедначат. Петар Бошалески беше фаулиран по што ги промаши двете слободни фрлања за крај на надежите за изненадување.

Илајџа Мекејден и Чарл Гил со по 17 поени беа најефикасни кај МЗТ, додека Бошалески со 19 поени и 9 скока беше најдобар кај составот од Кавадарци. Ова беше претпоследен меч од осмата суперлигашка рунда, која ќе ја затворат Гостивар и Пелистер во меч закажан за од 19 часот.