Утре нема да биде лесно: Велс го распродаде стадионот!

17 ноември 2025 - 16:50

Македонската фудбалска репрезентација утре ќе го игра натпреварот против Велс во последното коло од квалификациите за Светското првенство, а овој дуел избраниците на Благоја Милевски ќе го играат пред полни трибини.

Стадионот во Кардиф е со капацитет од околу 33.280 места и за македонските навивачи се обезбедени околу 700 билети.

Селекторт на Велс, Крег Белами пред овој натпревар и побара поддршка истакнувајќи дека за него ова ќе биде еден од најважните натпревари откако е на клупата на Велс.

Македонија во натпреварот влегува од втората позиција и за да останеме таму доволно ќе ни биде и реми.

Натпреварот се игра во терминот од 20:45 часот.