Шампионот „нагази“ во последната четвртина и ја продолжи победничката серија (ВИДЕО)

05 ноември 2025 - 08:21

И по осум одиграни натпревари од почетокот на новата сезона, актуелниот НБА шампион Оклахома Сити Тандер се уште е со максимален ефект откако утринава како гостин го совлада Лос Анџелес Клиперс со 126-107.

Домаќините пропуштија можност да му го нанесат првиот пораз на противничкиот тим, имајќи предвид дека водеа речиси цело прво полувреме и имаа двоцифрено водство. Оклахома се разигра во вториот дел, а тотално ги уништи Клиперс во последниот период кога предноста се искачи и на 25 поени разлика (117-92).

Гилџес Александер одигра уште еден одличен натпревар, постигна 30 поени, 12 асистенции и четири скока, додека Харден беше најефикасен во домашниот тим со 25 поени.

Оклахома е единствена непоразена екипа во лигата во досегашниот дел од сезоната, додека Клиперс се наоѓаат на десеттото место на Западот со биланс 3/4.

РЕЗУЛТАТИ
Торонто – Милвоки 128-100
Атланта – Орландо 127-112
Чикаго – Филаделфија 113-111
Њу Орлеанс – Шарлот 116-112
Голден Стејт – Феникс 118-107
ЛА Клиперс – Оклахома 107-126