Пикси ја напуштил Србија и без милионската отштета

17 октомври 2025 - 16:40

Фудбалскиот сојуз на Србија денеска на закажаната седница ја потврди оставката на Драган Стојковиќ Пикси, но и додаде дека нема ништо од милионската отштета за која се пишуваше претходно.

Имено, претходно медиумите во Србија пишуваа дека Пикси со заминувањето ќе добие и отштета од еден милион евра.

Токму затоа се коментираше и дека сојузот не го отушта претходно, меѓутоа од тоа нема да има ништо. ФСС потврди дека нема никакви дополнителни обврски кон Пикси.

Договорено е Стојковиќ да ги добие платите кои му припаѓаат по договорот до денот кога поднесе оставка, а сојузот нема да плаќа никакви „пенали“.

На селекторската позиција Пикси во Србија помина четири години.