За сите навивачи кои ќе бидат во Белгија: Ќе има македонска фан-зона!

07 октомври 2025 - 14:10

Фудбалската федерација на Македонија информираше денеска дека пред натпреварот против Белгија на 10 октомври кој го играме во Гент ќе биде организирана фан-зонаа за македонските навивачи.

Местото на собирот ќе биде Коренмаркт, Гент, а фан-зоната ќе биде отворена од 11 часот од каде што навивачите ќе се упаатат кон автобусите.

Исто така се наведува дека е организиран и превоз од фан-зоната до стадионот и назад. Автобусите кон стадионот ќе тргнат во 18:15 часот. На флаерот преку QR-кодот може да се види и точната локација.

Македонија на натпреварот во Гент ќе има поддршка од речиси 1.000 навивачи. Натпреварот се игра во терминот од 20:45 часот.