Гарабаја доби добра вест: Брестовац ќе паузира само две недели

05 октомври 2025 - 07:20

Младиот голман Давид Брестовац се повреди на дербито меѓу Вардар и Пелистер во СЦ „Јане Сандански“, а медицинските прегледи покажаа дека не станува збор за посериозна повреда.

Брестовац се повреди откако врз него падна Јака Малус од Вардар, по што голманот мораше да го напушти теренот.

Прегледите покажаа дека Брестовац ќе паузира само две недели, по што се очекува негово враќање меѓу стативите на битолчани.

„Повредата на Давид Брестовац не е сериозна, Давид ќе се врати на терените за 14 дена“, соопшти Пелистер.