Во Србија како во Северна Кореја: Поразот на Звезда на РТС се претставува како победа (ФОТО)

04 октомври 2025 - 12:10

Позната е анегдотата од 2010 година кога фудбалската репрезентација на Северна Кореја дебитираше на Светско првенство во Јужна Африка, не успеа да освои бод и имаше гол разлика 1-12, но националната телевизија во земјата го претстави тимот како светски шампион, обајвувајќи лажни резултати.

Слично е и во Србија последните денови иако е јасно дека таму демократијата е на малку повисоко ниво, па барем љубителите на фудбалот можат од прва рака да видат какви се резултатите. Сепак, оние што не гледале, можат да добијат лажен впечаток ако ја гледаат државната телевизија РТС.

Миленичката на власта Црвена Звезда во четвртокот гостуваше кај Порто во второто коло од Лигата Европа и португалскиот тим славеше со 2-1, но на РТС не може да се види тоа. Во вечерните вести, таму беше прикажано дека всушност Звезда победила.

Можеби се работи за грешка, но ова предизвика гнасење во ионака зовриената атмосфера која безмалку една година владее во Србија.