Ѓорческа со победа над поранешна најдобра на светот го почна настапот во Турција!

01 октомври 2025 - 12:09

Најдобрата македонска тенисерка, Лина Ѓорческа, дојде до една од најважните победи во кариерата, откако денеска беше подобра од поранешната најдобра на светот, Каролина Плишкова, на стартот од турнирот во Самсун (Турција).

Македонката имаше фантастичен финиш на првиот сет, во кој со два брејка во низа и четири освоени гема по ред дојде до стартно водство. Лина одлично го почна и вториот сет, освојувајќи четири од првите пет гема со што дојде до предност која умешно ја задржа до крајот. Плишкова беше број еден на ВТА-листата во јули 2017 година, има триумфирано на 17 турнири и заработено 26 милиони долари.

Следен противник на Ѓорческа ќе ѝ биде осмата носителка, Софија Костулас (Романија). Турнирот во Самсун се игра за награден фонд од 115.000 долари.