Селекторот на Германија поради болест изгубил седум килограми!

15 септември 2025 - 19:17

Германија го освои златниот медал на Евробаскетот со победата против Турција во финалето, а до врвот ги предводеше Алан Ибрахимагиќ кој го замени селекторот Алекс Мумбру поради болест.

Шпанскиот тренер имаше здравствени проблеми поради кои заврши во болница пред почетокот на Европското првенство (ЕП).

Мумбру добил инфекција поради која морал да се лекува во болница, а според „Билд“, селекторот на Германија поминал низ пекол и загубил дури седум килограми.

Иако се врати на клупата на Германија за време на турнирот, Мумбру не беше способен да го предводи тимот и му ја препушти својата улога на заменикот Ибрахимагиќ.

Фото: FIBA