Истанбул ќе „гори“: Фенербахче преговара со тренер кој освои 11 титули со Реал Мадрид

06 септември 2025 - 13:50

Турскиот гигант Фенербахче неодамна се раздели со Жозе Мурињо, но планира да донесе звучно име на кормилото на стартот на новата сезона.

Медиумите од Турција пишуваат дека Фенербахче е во напредни преговори со Зинедин Зидан, кој четири години е без работа, откако претходно освои 11 пехари со Реал Мадрид како тренер.

Зидан во изминатите години се поврзуваше со многу екипи, како и репрезентацијата на Франција, меѓутоа остана надвор од фудбалските терени.

Французинот двапати ги предводеше „кралевите“, и тоа во период од 2016 до 2018 и од 2019 до 2021 година, при што освои 11 титули.

Фото: Facebook/Fenerbahçe