Бурлески: Уапсениот за масакр по Челси-Фулам не тргнал да убива - одел на маскенбал!

30 август 2025 - 18:09

Лондонската полиција денеска по локалното дерби меѓу Челси и Фулам приведе маж во близина на стадионот „Стемфорд Бриџ“, откако бил забележан со заштитна кацига, панцир и со оружје со муниција.

Првичните информации од британските медиуми укажуваа на сериозна закана и можна подготовка за масакр, поради што полицијата веднаш реагирала и го лишила од слобода осомничениот. Сепак, подоцна во текот на денот било разјаснето дека станува збор за недоразбирање. Имено, мажот не планирал никаков напад, туку бил облечен во „воена опрема“ затоа што заминувал на маскенбал.

Несоодветната маска, во погрешно време и на погрешно место, предизвика кратка паника и вознемиреност кај јавноста, но ситуацијата заврши без последици, оставајќи зад себе само бројни коментари за неговиот несреќен избор на костим.