Финскиот „џезер“ ја растури В. Британија – два од два за домаќинот на ЕП!

Финците со овој триумф им се придружија на Литванија и Германија како екипи со максимален учинок по првите две кола, додека британската селекција остана без бодови. Фаворитот уште од почетокот ја контролираше играта – првата четвртина ја доби со 30-21, а до полувреме предноста беше зголемена на 58-42. Разликата продолжи да расте и во третиот период (23-14), па во завршницата Финска лесно стигна и до „стотка“.

Најзаслужен за триумфот беше кошаркарот на Јута Џез, Лаури Марканен, кој одигра блескав меч со 43 поени. Поддршка му даде Салин со 23. Кај Велика Британија најефикасни беа Нилсон со 13 и Хенсон со 12 поени.