Во меч со шест гола, Вардар го победи Шкупи во Струмица! (ВИДЕО)

Мечот почна шокантно за Вардар, по само девет секунди игра се случи недоразбирање во одбраната на црвено-црните, Матиќ си ја затресе мрежата за водство на Шкупи од 1-0.

Вардар брзо се консолидираше и почна да напаѓа барајќи израмнување. Тоа се случи во 16. минута кога Данев даде гол за израмнување на 1-1.

Пресврт се случи во 36. минута, кога една топка од играч на Шкупи дојде до Омерагиќ, а тој ја смести во голот на противникот за водство на Вардар од 2-1.

Но, брзо потоа се случи нов кикс на одбраната на Вардар, Дестани реализираше меѓу тројца дефанзивци за израмнување на 2-2.

Пред самиот крај на првиот дел по центаршут на Маневски, Закариќ погоди за ново водство на Вардар, овојпат од 3-2.

Во вториот дел беше многу понеефикасно, беше постигнат само еден гол, а тој падна во судиското продолжение, стрелец беше Спахиу.