Поранешен тренер на Шкупи е нов предводник на Работнички!

29 август 2025 - 17:40

Работнички го назначи наследникот на Бојан Марковски, нов тренер на тимот од Дебар Маало е турскиот стратег Алпарслан Ердем.

Работнички денеска и официјално го промовираше Алпарслан Ердем за нов тренер, тој го презема кормилото на тимот кој тргна лошо во новата сезона.

За Ердем македонското првенство е позната лига откако минатата сезона седум месеци беше тренер на Шкупи.

Се работи за млад стратег кој има само 36 години. Работнички е негово трето тренерско искуство, пред да го води Шкупи беше тренер уште и на турскиот Фатих Карагумрук каде во 2022 година ја заврши фудбалската кариера.