Пред 12 месеци го добија беспари, сега му го продаваат на Њукасл за 90 милиони евра!

Се работи за напаѓачот Ник Волтемаде кој минатата сезона постигна 12 голови на 28 натпревари.

За овој фудбалер Баерн Минхен испрати дури три понуди и сите беа одбиени од Штутгарт. Последната беше околу 60 милиони евра.

Баварците сметаа дека никој нема да плати повеќе од таа сума и на крајот ќе го добијат неговиот потпис, но се јави Њукасл.

На маса биле ставени 85 милиони евра, плус 5 милиони евра во бонуси.

За Штутгарт ова не само што ќе биде рекордна зделка, ќе биде неверојатна продажба со оглед на тоа што беспари го ангажираа Ник Волтемаде пред само 12 месеци кој во клубот пристигна откако му истече договорот со Вердер Бремен.