Фенербахче за 22 милиони евра го купи „крвникот“ кој го елиминира од ЛШ!

29 август 2025 - 20:55

Екипата на Фенербахче вечерва го финализираше трансферот на турскиот репрезентативец, Керем Актуркоглу, од Бенфика за сума од 22,5 милиони евра, со можност клубот од Лисабон да заработи дополнителни 2,5 милиони преку бонуси.

Станува збор за фудбалер од средниот ред, кој има 26 години и кој пред само неколку дена постигна гол за победа на Бенфика против Фенербахче (1-0) во реваншот од плејофот за Лигата на шампионите, со што Португалците обезбедија пласман во групната фаза. Актуркоглу во Истанбул ќе се пресели по само една сезона во Лисабон, кога дојде за отштета од 12 милиони евра.

Овој трансфер е особено необичен ако се има предвид дека турскиот фудбалер претходно настапуваше за Галатасарај, најголемиот ривал на Фенербахче, каде што за четирите години одигра 179 натпревари, постигна 46 голови и забележа 42 асистенции.

ФОТО: EPA PHOTO