Милан се извади за стартниот пораз дома – лесно го освои Лече (ВИДЕО)

29 август 2025 - 22:47

Фудбалерите на Милан делумно се извадија за големиот кикс на стартот од новата сезона, кога на домашен терен загубија од Кремонезе (1-2), откако вечерва славеа на гостувањето кај Лече (2-0).

Ова беше заслужен прв триумф за „росонерите“, кој требаше да биде и поубедлив, со оглед што првите два гола им беа поништени. Габија во првиот дел погоди, но судијата реагираше поради прекршок, а на стартот од вториот дел реализира Хименез, но неговиот погодок беше поништен поради офсајд. Шест минути подоцна, конечно, погоди Рубен Лофтус-Чик на асистенција на Лука Модриќ, додека триумфот го потврди Пулишиќ, кој го совлада противничкиот голман во 86. минута.

Милан сега има три бода од два меча, додека Лече останува на еден бод од претходната рунда.

ФОТО: EPA PHOTO