Нов дебакл на Црна Гора, втора убедлива победа за Литванците!

Втор меч за Црна Гора на Европското кошаркарско првенство и втор висок пораз, овојпат загубија од Литванија со 94-67.

Литванците имаат одличен влез на Евробаскетот, по убедливиот триумф над Велика Британија, денеска покажаа моќ и против Црногорците.

Кој е кој се виде уште во првата четвртина во која Литванија направи предност од 11 поени разлика, беше  26-15. Во ист тек продолжи мечот па на полувремето се замина со водство на Литванците од 47-28.

Големата предност беше само зголемувана до крајот на мечот до конечниот резултат од 94-67.

Јокубаитис со 21 поен и 12 асистенции беше најдобар на мечот, Валанчиунас постигна 19 поени. Во составот на Црна Гора најдобар беше Вучевиќ со 20 поени и 10 скокови.