Шенѓун и Осман ја „расплакаа“ Чешка, втор триумф за Турција на ЕП

Турците уште еднаш покажаа дека на овој Евробаскет ќе бидат незгоден ривал за секој противник и би можеле да играат важна улога во ноакут фазата.

Не тргнаа денеска најдобро и Чешка по првиот период водеше со 27-21, но тимот на Ергин Атаман потоа „додаде гас“ и веќе до полувремето успеа да го сврти резултатот во своја корист.

На одмор Турција замина со водство од 45-37,  додека во вториот дел дополнително ја зголеми предноста над ривалот. На крајот славеа и со 14 поени разлика за максимални 2-0 по првите два натпревар.

Алперен Шенѓун блескаше и беше на чекор од трипл-дабл со 23 поени, 12 скокови и девет асистенции, а го следеше Чеди Осман со 21. Кај Чешка најмногу се истакна Мартин Петерк со 23 поени.

Во првиот натпревар од денешната програма претходно убедлива победа забележа и Германија над Шведска.