Сабаленка спаси 12 брејк-топки пред да победи на турнирот во Синсинати!

10 август 2025 - 08:49

Најдобрата тенисерка во светот, Арина Сабаленка, се пласираше во третото коло на турнирот во Синсинати, откако во два сета ја совлада Маркета Вондрушова (7-5, 6-1) од Чешка.

Белорусинката, која ја брани титулата во Синсинати, одигра сигурен меч и особено се истакна во дефанзивата, спасувајќи дури 12 брејк-топки против освојувачката на Вимблдон 2023 година. Првиот сет беше клучен, а во вториот Сабаленка целосно доминираше и го заврши со убедлива предност. Ова беше нејзин прв настап по полуфиналето на Вимблдон, бидејќи го пропушти турнирот во Монтреал за да се одмори и подготви за завршницата на сезоната.

Таа во осминафиналето ќе се сретне со Британката Ема Радукану, која во второто коло ја елиминираше Србинката Олга Даниловиќ (6-3, 6-2). Турнирот во Синсинати е последна проверка за најдобрите тенисерки пред „Ју-Ес опен“, кој започнува на 24 август во Њујорк.

ФОТО: X / @sabalenkarchive