Ужасен ден за Македонија: Сите наши селекции на ЕМОФ беа убедливо - растурени!

21 јули 2025 - 20:24

Македонија настапот на Европскиот младински олимписки фестивал (ЕМОФ) го почна со надеж за прв историски медал, кој се чини е илјадници километри оддалечен баре за учесниците во екипните спортови кои денеска беа растурени во сите спортови во кои настапија.

Некако најсилен отпор пружи машката кадетска репрезентација, која загуби во дуелот со Хрватска (19-27) во меч во кој одиграа рамноправно прво полувреме по кое беше 10-10. Противникот вториот дел го почна со серија 7-2 и го реши прашањето околу победникот. Пораз претрпеа и нашите ракометарки и тоа во дуелот против Исланд (22-29), во меч во кој прашањето околу победникот беше решено уште во првото полувреме (9-16).

Ништо подобро не беше ниту на одбојкарските терени, каде што нашите две селекции загубија со максимален резултат. Момчињата пружија посилен отпор само во првиот сет против Франција (0-3), додека девојчињата претрпеа преубедив пораз од Италија (0-3) со резултат 36-75 во поени.

Со сличен бродолом може да се пофалат и кошаркар(к)ите. Девојките беа растурени во пресметката со Белгија (40-111) во меч одигран во помалата сала во Куманово, додека момчињата поради лошиот старт (8-23) минаа слично во дуелот против Турција (56-88) на отворањето на реновираната сала во овој град.

Причини за радост немавме ниту во индивидуалните спортови, каде што нашите претставници речиси постојано беа на самото дно од конечниот пласман.