Ракометарките не издржаа до крај: Македонија загуби минимално од Португалија

18 јули 2025 - 19:01

Женската ракометна репрезентација на Македонија до 19 години загуби од Португалија со 28-29 и до крајот ѝ останува борбата за 23. место на Европското првенство (ЕП) во Црна Гора.

Ракометарките имаа одличен почеток на мечот и предност од 6-2, а водството го задржаа до полувреме (13-11), но Португалија во вториот дел направи целосен пресврт и триумфира со 29-28.

Миленкоска беше најефикасна во редовите на Македонија со шест голови, додека Конеска и Беровиќ запишаа по пет погодоци.

Македонија за 23. место на ЕП ќе се бори против селекцијата на Литванија која денеска загуби од Финска.