Поранешен кошаркар на Барселона: Сакав да се самоубијам!

05 јули 2025 - 14:27

Поранешниот кошаркар Рики Рубио ја заврши кариерата минатата година, а потоа за медиумите откри со какви проблеми морал да се соочи.

Шпанецот призна дека минувал низ тежок период и сакал да се самоубие.

„Една ноќ бев во хотелска соба и си реков дека не сакам да продолжам. Не кариерата, туку животот. Тоа беше момент кога мислев дека животот нема смисла. Кога ќе се навратам на кариерата, никогаш не бев задоволен, зашто никогаш не беше доволно“, кажа Рубио.

Рубио во кариерата играше за неколку екипи, меѓу кои се Барселона, Минесота тимбервулвс, јута џез, Кливленд кавалирс и други.