Белгија го гази Велс, за 12 минути му даде три гола (ВИДЕО)

09 јуни 2025 - 21:34

Македонија има огромни шанси да остане на првото место на табелата во својата група по јунските квалификациски дуели бидејќи единствената селекција што можеше да ја стигне има огромна негатива.

Велс гостува кај Белгија и веќе губи со 0-3, а трите гола беа постигнати во период од само 12 минути. Отвори Лукаку во 15. од пенал, четири миунути подоцна погоди Тилеманс, а во 27., во листата на стрелците се запиша и Доку.

Овој резултат многу ѝ одговара на Македонија, не само поради денешните резултати, туку воопшто бидејќи Велс би требало да ѝ биде директен ривал за второто место во групата во која прв фаворит е Белгија.