Неочекувано: Новак Ѓоковиќ го отпушти својот пријател и тренер – Енди Мареј!

13 мај 2025 - 10:31

Најдобриот тенисер на сите времиња, Новак Ѓоковиќ, ја прекина соработката со тренерот Енди Мари и тоа помалку од шест месеци по нејзиното започнување, а само неколку недели пред почетокот на Ролан Гарос.

Одлуката ја соопшти самиот тенисер преку јавна објава, во која му се заблагодари на Мари за трудот и пријателството.

„Ти благодарам, тренеру Енди, за целиот напор, забава и поддршка во изминатите шест месеци, на теренот и надвор од него. Уживував во продлабочувањето на нашето пријателство“, напиша Ѓоковиќ.

Соработката меѓу Ѓоковиќ и Мари започна на почетокот на сезоната, но не донесе посакувани резултати. Прекинувањето на партнерството доаѓа во чувствителен момент, непосредно пред еден од најголемите гренслем-турнири во сезоната. Србинот, во меѓувреме, тренира со Борис Бошњаковиќ во Белград, кој му беше тренер и во поголем дел од минатата сезона, што отвора можност за продолжување на таа соработка.

ФОТО: X / @DjokerNole