Реал го отпишал Модриќ и тргнува по освојувачот на Златната топка

21 април 2025 - 20:14

Хрватскиот репрезентативец Лука Модриќ по се изгледа ја игра последната сезона во дресот на Реал Мадрид, а шпанскиот гигант веќе активно бара негова замена.

Угледниот германски весник Билд пишува дека изборот паднал на фудбалерот на Манчестер Сити и актуелен освојувач на Златната топка, Родри кој ја пропушти речиси цела сезона поради повреда. Родри е Шпанец и исклучително популарен во својата земја поради успесите со репрезентацијата, но најважно од се е тоа што се работи за исклучително креативен играч кој може да ги замени и Модриќ и пензионираниот Крос.

Сепак, во приказната се прашува и Манчестер Сити имајќи предвид дека Родри има договор со клубот до јули 2027 година, а Пеп Гвардиола не е баш расположен да се откаже од него.