Воска го напушти теренот против Вардар! (ВИДЕО)

19 април 2025 - 17:42

Фудбалерите на Воска Спорт на 15-тина минути пред крајот на натпреварот го напуштија теренот во натпреварот против Вардар при резултат 1-1.

Воска имаше предност од првото полувреме со голот на Осеи, а Вардар до израмнување стигна во 74-тата, гол по кој домаќините протестираа сметајќи дека топката не ја минала гол-линијата. Реагираа домашните фудбалери, натпреварот продолжи, но беше прекинат само неколку минути подоцна. Сепак, на снимката покажува дека протестите на домашните фудбалери и не се оправдани затоа што топката, сепак беше зад линијата.

Засега не е познато каква ќе биде одлуката и дали натпреварот ќе биде завршен денеска.