Милан се откажа од идејата да го купи Феликс

18 март 2025 - 10:21

Португалскиот фудбалер Жоао Феликс го напушти Челси и се пресели во Милан на позајмица до крајот на сезоната, по што на почетокот покажа добра игра, но потоа следеше пад на формата.

Милан планираше да го купи Феликс, меѓутоа неговиот пад на играта ги премисли „росонерите“, кои сакаат да го вратат Португалецот во лондонскиот гигант.

Феликс на последните три натпревари доби шанса од клупата за резерви, па стана јасно дека ја загубил довербата кај тренерот Сержо Консеисао.

Португалецот досега настапи на 10 натпревари за калчолигашот, а притоа постигна само еден гол и една асистенција.