Навивачи на Лејкерс бараат жестока казна за Јокиќ!

18 март 2025 - 08:21

Никола Јокиќ во моментов е повреден и не се најде во составот за мечот против Голден Стејт, а тоа ги налути навивачите на Лос Анџелес Лејкерс.

Навивачите на Лејкерс сметаат дека Денвер намерно бира одредени натпревари за да ги одмори своите главни ѕвезди за подобро да се подготват за мечот против тимот од Лос Анџелес.

Многумина од нив на социјалните мрежи побараа казна поради стратегијата на Денвер, односно казна за Јокиќ.

„Не треба да се поведе само истрага против Денвер ако сите кошаркари магично се вратат против Лејкерс, туку треба да им се одземат пиковите, а Јокиќ да биде исфрлен од МВП-трката“, порачаа навивачите.