Фенер не победи во дербито, Мурињо им влезе на судиите во соблекувална (ВИДЕО)

Натпреварот меѓу најголемите ривали заврши без голови, оставајќи ги навивачите разочарани. Словенечкиот судија Славко Винчиќ, делегиран од челниците на лигата, немаше лесна задача на теренот. Непријатностите за него не завршија со последниот свиреж — веднаш по натпреварот, на вратата од судиската соблекувална го пречека Жозе Мурињо.

Според турските медиуми, харизматичниот португалски стратег упаднал во соблекувалната со забелешки кон судиската екипа. Иако останува нејасно што точно им кажал, ваквото однесување не е новост за Мурињо. Познат е по своите бурни реакции кон арбитрите, вклучително и инцидентот со англискиот судија Ентони Тејлор, кого го нападна со вербални закани по финалето од Лигата на Европа помеѓу Рома и Севиља.

Натпреварот повеќе му одговараше на Галатасарај, кој со ова реми ја задржа предноста од шест бодови пред најголемиот ривал.