„Мора да одиграме подобро за финале, ама – на мака се познаваат јунаците!“

Тренерот Ненад Трајковиќ ја истакна борбеноста на својот тим, нагласувајќи дека токму во вакви натпревари се препознаваат вистинските јунаци.

„Натпреварот беше многу неизвесен и возбудлив. Се решаваше на една топка до самата завршница, но со неколку клучни дефанзивни потези успеавме да триумфираме. Честитки до противникот за одличната игра“, изјави Трајковиќ.

Тој посочи дека Пелистер добил значително засилување во Гамбрел, кој и покрај само еден одигран тренинг, имал одличен настап. Сепак, тренерот предупреди дека за да стигнат до финалето, ќе мора да одиграат уште подобро.

Битолчани во утрешното полуфинале ќе се соочат со победникот од „вечното дерби“ меѓу МЗТ Скопје и Работнички (20.30 часот).