Познато името на новиот болид на Ферари (ФОТО)

31 јануари 2025 - 12:08

Ферари вчера го објави името на својот болид за 2025 година од кој се очекува многу затоа што Шарл Леклер и Луис Хамилтон треба да бидат кандидати за највисок пласман.

Претставувањето на болидот е закажано за 19 февруари, по што следат тестови на возилото кое ќе го носи името „СФ-25“ и означува почеток на нова ера за италијанскиот тим.

За разлика од претходните години, името „СФ-25“ означува продолжување на традицијата која Ферари ја почна во 2021 година со моделот „Ф1-75“. Овој пат, бројот 25 симболизира нова фаза за тимот.