Ѓоковиќ го прифати извинувањето од новинарот кој го исмеваше во Мелбурн

20 јануари 2025 - 11:00

Најдобриот српски тенисер Новак Ѓоковиќ го прифати извинувањето кое јавно го упати новинарот Тони Џонс и „Канал 9“, откако претходно го исмеваше по една победа на Австралијан опен.

Новинарот на „Канал 9“ го исмеваше Ѓоковиќ, но и српските навивачи, поради што тенисерот реши да не дава интервјуа за медиумот.

„Новак го прифати извинувањето кое е јавно испратено и побара повеќе да не се зборува за таа тема затоа што сака да се фокусира на следниот натпревар“, објави Тениската асоцијација на Австралија.