Јокиќ не играше, Денвер без шанси против шампионот (ВИДЕО)

08 јануари 2025 - 08:13

Најдобриот играч во НБА од минатата сезона Никола Јокиќ поради болест не настапи минатата ноќ, па неговиот Денвер беше лесен плен за Бостон Селтикс.

Актуелниот шампион како гостин славеше со 118-106 и покрај тоа што домашниот тим се одржуваше во игра до крајот на првото полувреме. На голем одмор се замина со 57-57, но во вториот дел Денвер тотално падна во играта и на крајот Бостон оствари и двоцифрена победа.

Дарио Шариќ не успеа да ја пополни празнината од неиграњето на Јокиќ затоа што не постигна ниеден поен за 16 минути игра и заврши со четири асистенции и еден скок. Најефикасен кај Денвер беше Вестбрук со 26 поени, додека Тејтум го предводеше гостинскиот тим со 29 поени.

Денвер вечерва има уште еден тежок натпревар, против Оклахома на домашен терен, а настапот на Јокиќ повторно е неизвесен.

РЕЗУЛТАТИ
Шарлот - Феникс 115-104
Вашингтон - Хјустон 112-135
Далас - ЛА Лејкерс 118-97
Њу Орлеанс - Минесота 97-104
Јута - Атланта 121-124
Денвер - Бостон 106-118
Голден Стејт - Мајами 97-114