Модриќ освои сѐ што можеше да освои, а вечерва го постигна првиот гол во Копа дел Реј (ВИДЕО)

06 јануари 2025 - 21:17

Неверојатни 12 години му требаа на Лука Модриќ да го постигне првиот гол во шпанскиот Куп иако во меѓувреме освои се што можеше да се освои со Реал Мадрид.

„Кралскиот клуб“ вечерва ја совлада Депортива Минера со 5-0 како гостин во Копа дел Реј, а неочекувано Модриќ доби шанса од првата минута, три дена откако погоди и против Валенсија во Ла Лига. Хрватскиот ас ја затресе противничката мрежа во второто полувреме за водство на неговиот тим со 4-0.

Останатите четири гола беа дело на Валверде, Камавинга и Ѓулер кој два пати се запиша во листата на стрелците.