Нов тренер на клупата на „фенерџијата“: Турски стручњак ќе ја спасува Воска

06 јануари 2025 - 20:29

Последнопласираниот тим во Првата македонска фудбалска лига Воска во „пролетниот“ дел од сезоната ќе биде со нов шеф на стручниот штаб.

На клупата на охридскиот тим седнува 63-годишниот Турчин, Сафет Ишлер кој ќе го замени досегашниот тренер Сеит Крека. Првата средба со фудбалерите Ишлер ќе ја има на 8 јануари кога официјално почнуваат подготовките на Воска за втората полуетапа.

Во меѓувреме, Воска донесе три засилувања за продолжението од сезоната: словенечкиот интернационалец Филип Валенчич и Финците, Туре Сира и Оива Лаксонен.