Мејведер на двегодишниот внук за Божиќ му купил зграда вредна – 20 милиони долари!

Зградата се наоѓа во престижниот „Дистрикт на дијаманти“ на Менхетен, елитниот дел од Њујорк, на аголот од Шестата авенија и 47-та улица. Објектот вклучувал деловни простории, канцеларии, продавници за дијаманти, како и голем рекламно-панел за огласување.

„Кога бев млад, купував во тој дуќан и не можев ни да замислам дека еден ден ќе бидам сопственик на тоа место. Сè е возможно кога си посветен и работиш напорно“, изјави боксерската легенда.

Мејведер е познат не само како еден од најдобрите боксери на сите времиња со рекорд од 50 победи и ниту еден пораз, туку и како еден од најбогатите спортисти. Неговото богатство се проценува на околу 500 милиони долари, а за време на својата кариера заработил околу 1,1 милијарда долари.