Момент кој остана во сенка: Борусија го победи Штурм поради задникот на дефанзивецот на гостите

06 ноември 2024 - 16:35

Претходната вечер и натпреварите во Лигата на шампионите донесоа повеќе возбудувања, а во центарот на вниманието беа победите на Спортинг и Милан против Манчестер сити, односно Реал Мадрид.

Но, од се што се случуваше во сенка можеби остана голот со кој Борусија Дортмунд го победи Штурм Граз (1-0).

Фудбалерите на домаќините пропуштија голем број прилики, а на крајот победата ја обезбеди Мален кој влезе во игра и искористи една грешка на одбраната на гостите.

Во прв момент изгледаше дека Мален е во недозволена позиција, меѓутоа по интервенцијата на ВАР можеше да се потврди дека голот е регуларен и тоа само поради задникот на стоперот на Штурм, Димитри Лавале.